Урысые Федерацием щыпсэухэрэм анахьыбэр, ахъщэ ин яIэ зыхъукIэ унэ къащэфынэу аIо. Джащ фэдэу Dom.ru -рэ Wciom.ru -рэ упчIэ уплъэкIунхэу ашIыгъэм къегъэлъагъо.
УпчIэ уплъэкIуным хэлэжьагъэхэм я 57% -м унэ къэпщэфыныр ахъщэ хэлъхьэн анахь федэ зыхэлъэу ыкIи анахь цыхь зыфэпшIынэу щытэу алъытэ.
УпчIэ уплъэкIуным хэлэжьагъэхэм я 60% -м унэ къэпщэфыныр нахьышIу щытэу алъытэ банкым ахъщэр дэбылъхьаным нахьи.
УпчIэ уплъэкIуным хэлэжьагъэхэм я 55% -м, унэ кIырэу къэбыубытыныр нахьышIу щытэу алъытэ унэ ипотекэкIэ къэпщэфыным нахьи. Мыр мыщ фэдэу зыфэхъурэр ипотекэ къыдэпхымэ процентэу телъыр ини ары. Мэзае мазэ и 25-м, 2025-рэ илъэсым, Урысые Федерацием игупчъэ банк къыдигъэкIыгъэ унашъом зэритымкIэ, ипотекэ къыдэпхымэ, илъэс къэс процент 21-рэ лъыптын фае.
Мы упчIэ уплъэкIуным къегъэлъагъо Урысые ФедерациемкIэ унэ къэпщэфыным чIыпIэ лъагэ зэрэщиубытырэр.
Мы упчIэ уплъэкIунэу ашIыгъэм цIыф минрэ шъихырэ хэлэжьагъ. Ахэм яныбжь илъэс 18 щегъэжьагъэу ыкIи нахьыб. Ахэр Урысые Федерацием ишъолъыр пстэуми ащыщых.
Comments
Post a Comment