Адыгэхэр зыщыпсэурэ хэгъэгухэм ащыщхэмрэ Адыгэ хэкумрэ унэ-зэтетхэм ахэт унэхэм яуасэхэр зэтэгъапщэ. Уасэхэр унэ чIыгу Iофым дэлажьэрэ сайтхэм къахэтхыгъ.
Иордание
ИорданиемкIэ Унэ-ЧIыгу щэн-щэфэн Iофхэм адэлажьэрэ сайтэу "Бют" зыфиIорэм унэ I00-м яуасэхэм теуплъэкIугъ. Ащ унэхэм языметрэ плIэмыем ягурыт уасэр 1089 долар мэхъу. А унэхэм анахь пыутэу ахэтыгъэм зы метрэ плIэмыем иуасэ 305 долар мэхъу. Анахь лъапIэу ахэтыгъэм зы метрэ плIэмыем иуасэ I500 долар мэхъу.
Израил
Мы хэгъэгумкIэ унэхэм яуасэхэр сайтэу "Маку" зыфиIорэм къыхэтхыгъ. Ащ зэритымкIэ ИзраилкIэ унэхэм язы метрэ плIэмыем ягурыт уасэр 6097 долар мэхъу. Къалэу Тел-Авив унэм изы метрэ плIэмыем мин 15 долар нэсы, ИоразалимкIэ зы метрэ плIэмыер мин 8 долар нэсы, къуаджэу къалэхэм апэчъыжьэхэм зы метрэ плIэмыем иуасэ 2800 долар нэсы.
Тыркуе
Мы хэгъэгумкIэ уасэхэр къыхэтхыгъэр сайтэу "Республикэ Гъазет" зыфиIорэр ары. Ащ зэритымкIэ зэрэ Тыркуеу пщтэмэ унэхэм язы метрэ плIэмыем ягурыт уасэр 8I7 долар мэхъу. ИстамбылкI зы метрэ плIэмыем игурыт уасэр 1240 долар мэхъу. ИстамбылкIэ унмэ яуасэхэр лъэщэу зэтекIынхэм ылъэкIыщт, къалэм игупчъэ пблагъэхэм зы метрэ плIэмыем иуасэ мин 10 долар нэсын ылъэкIыщт.
Адыгэ хэку
МыщкIэ уасэхэр тиблог ыкIи нэмыкI сайтхэм къахэтхыгъ. Адыгэ хэкумкIэ унэ зы метрэ плIэмыем игурыт уасэ 960 долар мэхъу. Къалэхэу Мыекъуапэ: 1050 долар, Черкесск 980 долар, Налчик 990 долар зы метрэ плIэмыем яуасэхэр.
Мы уасэхэр зыдгъэзырыгъэр щылэ мазэм и 17, 2024-рэ илъэсым.
Comments
Post a Comment